fbpx
FHM Pakistan
FHM Breeze

Here’s an honest Paray Hut Love review for you all

Agar mere paas 400 crore hoon tou mein apna naam ya tou Mr. Bajaj rakhlongi ya phir Ganesh Gaitonde. Liken jab Asim raza kay paas 400 crore aye tou unhone socha kay kyon na apnay naam ko change karnay ka aik naya nuskha ijaad kiya jaye.

Aik high budget, over acting mein sharaboor, Pakistan ki pori film industry ko cast kartay hoye aisi movie banayi jaye jismein over acting ki itni ziyadti ho jitni Anil Kapoor kay jism pay baaloon ki thi aur storyline ki utni he kaami jitni Adnan Sami mein Aqal ki hai!

Tou Film start hoti hai duniya ki over tareen shadi say. Jismein dulhan ka ik ghareeb struggling actor rishtay daar 10 lakh ka kurta pehen kar dulhan say ziada lashkaray mar raha hota hai..Aur turkey say aayi hui uski wo cousin, jo graceful honay kay naam pay dulhan kay cousin say chipaknay ka koi moqa hath say nahe janay deti. Kabhi naaak tou kabhi kamar, kabhi shoulder tou kabhi uhumm!

Shadi ki gehma gehmi mein struggling cousin aur graceful turkey returns ko aik dosray say muhabbat hojati hai. Itni jaldi logon kay qabz nahe toot’tay jitni jaldi in dono kay dil pay lagay qufal toot jatay hain wo bhi ik hi raat mein. #OhSoTypical

Ahmed Ali Butt kay mun kay hisab say writer nay comedy likhni chahiye liken ik baar baar face value pay humor bechnay ka nuskha na chal saka! Jahanum mein sunaye janay walay saray Lame jokes 3 ghantay ki movie mein bar bar duhraye gaye.

Pori film mein Zara Noor Abbas ko Bushra Ansari ki bhanji honay ki saza di gayi aur jaan bojh kay bechari ki styling kisi Fashion Design intern say karwaayi gayi takay obvious na ho! Har sequence mein gareeb kay kaproon pay sab say kum mehnat kar kay yeh sabit kiya gaya kay Maya Ali heroine hain aur Zara Noor Naswaar.

Jab kay She’s such an amazing actress jbtw <3 Director nay Qudusi saab ki bewah kay saray characters ki acting ik he baar mein Hina Dilpazir say is ik movie mein karwali. Aur pata nahe kis majboori mein itni senior actor nay kar bhi li.. #KayBoltayKyaCheezHaiPaisa Aur best part, Film kay beech-o-beeech, Nadeem Saab ka inteqal aur Muneer Niazi ki nazm "Hamesha deir kardeta hoon mein" ka connection utna he loose tha jitnay hamary gharoon mein dalay kund'oon ka hota hai. Liken inteqal ki placement film mein us point par thi kay agar wo na martay tou Hero Heroine kabhi ik na ho patay. #UsePeopleKillPeople Mayat pay Sabyasachi kay joroon mein malboos ik bar phir pori cast over acting kay pahar sar karti hoi dekhayi di liken Rahat Fateh Ali kay ganay nay us moment mein ass save kiya <3 Sab kay kapray Michael Jackson ki mun ki trahan safaid aur jaib mein black money thi. Is majboor film kay chawthayi hisay mein hoti hai Mahira Khan ki entry. Asim Raza nay socha kay Budget tou bohat para hai ab kidhar zaya karoon! Tou boi nay yeh sochte hi Mahira Khan ko call lagayi aur ghareeb ko cast karliyaa! Akhir kay adhay ghantaay mein wo struggling actor Tom Cruise ban chuka tha aur houseful bethay log chu**iya. Kahan interval say pehle struggling actor ko mayyat ban'nay kay ilawa koi role nahe milraha tha aur kahan interval kay baad direct hi Mahira Khan ki chahti sar rakhne kay liye!! Film end hoi 3Idiots - Yeh Jawani Hai Dewani aur Zindagi Na Milegi Dobara kay mixed plot par with so obvious dialogues kay samnay bethay log predict kar rahay thay kay ab yeh admi yeh bolega! Inshort, teen ghantay ka yeh torture bardasht karnay aur paisay zaya karnay kay baad movie khatam hotay he dil, dimagh aur zuban sab ik he baat bolrahay thay "Yeh saray mil kay hamay pagal bana rahay hain Ma';£&+6(¢|" Aur is sab mein mazay ki baat yeh hai kay koi kisi ko bata bhi nahe raha kay film itni buri hai! Na bloggers, na movie critics aur na log! Tou agar app ko apnay paisoon aur acha content dekhne ki adat say pyaar hai tou youtube karein 'Altaf Hussain Funny Videos'... Qasam say is movie say tou kum he disappoint hongay! Thankyou <3

Related posts

HSY splits from Lux Style Awards

Mehreen Ahsaan Qazi

This video will inspire you to break through your own barriers

Maryam Ibrahim

Yasir Nawaz’s statement about bloggers leaves a question mark

Aun Muhammad