FHM Pakistan
FHM Roman

Arey bhai saans mat lo, LOG KYA SOCHENGE

LOG KYA SOCHENGE!!! HUH

Isi khayal ne pata nahi kitne logon ko dara kar rakha huwa hai. Jeans mat pehno, LOG KYA SOCHENGE. Zyada make up mat karo, LOG KYA SOCHENGE. Kisi larkay se hans kar baat mat karo, LOG KYA SOCHENGE. Zyada zor se mat baat karo, LOG KYA SOCHENGE. Pata nahi kon hote hain woh log jinke pass doosre k baray main sochne ka itna wakt hota hai. Hamaray pass toh apne baray main sochne ka wakt nahi hota. Sadly hum aise culture ka hissa hain jahan, rape karna, corruption karna, gun point per lootna, parchi lagwa kar job haasil karna, rules follow na karna or tallaq dene jaisi cheezon k baray main sochne ka kisi k pass wakt nahi hai. Wakt hai toh yeh sochne ka k padosi ki larki raat ko kitne baje ghar ayi, 26 saal ki hogayi toh shaadi abhi tak kiun nahi hoi, pasand ki shaadi ki hai toh 2 number larki hogi, Har baat ka jawab hota hai kyunke badtameez hai bohat.

Agar sochne hi hai toh yeh sochen k is mulk se cultural vote ko kaise khatam kiya jaye, rules kaise follow kiye jayen, yaha parh likh kar America main job kiun apply karen, apne vote ko sahi jagah istemaal karen, or yeh sochne k bajaye k is mulk ne hamein diya kya hai yeh sochen k humne badle main is mulk ko kya diya hai. Lekin in sab baaton ko sochne k liye bohat wakt chahiye jo hum dosron k baray main soch kar zaya kar dete hain.

Agar thora sa wakt mile toh sochiye ga zaroor.

Related posts

(Leaked) Shahrukh Khan and Priyanka Chopra were Married during the shoot of “DON 2”

FHM Pakistan

Reham Khan shares the untold story of her divorce

Yumna Tirmizi

Death by Chocolate – Literally!

Isra Shams